Սահմանադրական դատարանում ճգնաժամ չկա և երբևէ չի եղել․ Էդգար Ղազարյան

Սահմանադրական դատարանում ճգնաժամ չկա և երբևէ չի եղել։ Այս մասին այսօր՝ հունիսի 9-ին, Ազգային ժողովում լրագրողների հետ զրույցում ասաց ՍԴ աշխատակազմի ղեկավար Էդգար Ղազարյանը։ «Սահմանադրական դատարանը մշտապես աշխատում է բնականոն ռեժիմով և բնականոն հունով և որևէ ֆունկցիոնալ խնդիր չի եղել իր սահմանադրական ֆունկցիոնալ առաքելության իրականացման ընթացքում։ Եթե որևէ մեկը խոսում է որևէ ճնգաժամի մասին, այդ թվում՝ ՍԴ թվացյալ ճգնաժամի մասին, պարտավոր է պատասխանել հետևյալ հարցերին՝ ե՞րբ է առաջացել այդ ճգնաժամը, ի՞նչ հանգամանքներում և ինչպե՞ս է դրսևորվում: Եթե որևէ մեկը պատասխանի այս հարցերին, կհանգի այն կարծիքին, որ ՍԴ-ում ճգնաժամ չկա և երբևէ չի եղել»,- ասաց Ղազարյանը: Հետևե՛ք մեզ հետևյալ հարթակներում՝ Մեր կայքը - Facebook (ռուսերեն) - Facebook (հայերեն) - Telegram ալիք - Instagram - @armtoday_