35 տարի առաջ ուղեծիր դուրս եկավ «Բուրան» տիեզերանավը

1988 թվականի նոյեմբերի 15-ին Բայկոնուր տիեզերակայանի 110 հարթակից «Էներգիա» հրթիռակիրը մերձերկրյա ուղեծիր դուրս բերեց «Բուրան» տիեզերանավը։ Խորհրդային «Բուրանը» դարձավ աշխարհում առաջին տիեզերանավը, որը բոլոր գործողությունները ամբողջովին կատարեց ինքնավար ռեժիմում, օդանավի համակարգչի կառավարմամբ։ Նախագծի իրականացման համար 16,4 մլրդ ռուբլի է ներդրվել, նախագծի վրա աշխատել է ավելի քան 1200 ձեռնարկություն և 1.5 մլն մարդ։ ԽՍՀՄ–ում ընդհանուր առմամբ նախատեսվում էր 5 «Բուրան» ստեղծել, ամբողջությամբ հավաքեցին միայն 2-ը։ Երրորդը պետք է տիեզերք դուրս գար 1994 թվականին և ծրագրի փակման պահին պատրաստ էր 50%–ով։ Տիեզերանավի ստեղծման ժամանակ ստացված տեխնիկական լուծումները շարունակում են կիրառել ռուսաստանցի և արտասահմանյան ինժեներները։