Спектакль Амулла народного театра орос

5 май М. Аҡмулла ис. БДПУ-ның концерт залында ижтимағи-фәлсәфәүи, әхләҡ-тәрбиә яҡтан тәрән мәғәнәле итеп шиғыр яҙыусы, яңы заманға ынтылырға, белем алырға, ғилемгә саҡырыусы, наҙанлыҡтан ҡасырға өгөтләүсе мәғрифәтсебеҙҙең 190 йыллығына арналған документаль факттарға һәм тормош ваҡиғаларына нигеҙләнеп бәйән ителгән “АҠМУЛЛА“ исемле бер актлы спектаклдең премьераһы гөрләп үтеп тә китте. Ошо спектаклде донъя күрһен өсөн күпме көс түккән һәм хеҙмәт һалған етәксебеҙ, Башҡортостан Республикаһының атҡаҙанған халыҡ ижады коллективы “Ҡорос“ халыҡ театрының режиссеры, сценарий авторы, Башҡортостан Республикаһының атҡаҙанған артисы, М. Кәрим исемендәге Милли йәштәр театры актеры Илнур Флүр улы Лоҡмановҡа оло рәхмәтебеҙҙе белдерәбеҙ! Һеҙҙең тырышлыҡ һөҙөмтәһендә ауырлыҡтарға ҡарамай беҙ маҡсаттарыбыҙға өлгәштек. Шулай уҡ, рәхмәтебеҙҙе материалдар туплаусы: яҙыусы, М. Аҡмулла исемендәге премияһы лауреаты, “Аҡмулла аманаты“ китабының авторы Фәнис Фәтих улы Янышевҡа еткерәбеҙ!