Никъолоз Бараташвили. Сидзр уд (иронау)

Николоз Бараташвили Сидзæр уд Куыд ничи ‘мбары сидзæры тæригъæд, Йæ мæгуырыл дæр ничи дзуры ‘ргом! Мæгуыр – æрмæстдæр уый, кæй уд у сидзæр, Нæ йын уыдзæн зæххон царды æнцон! Идæдз гоймаг æнамонд нæу æппындæр. Зæххыл йæхицæн ссардзæн ног æмбал. Фæлæ фыдæнхъæл чи фæвæййы, уымæн Йæ бон æууæндын нал бауыдзæн, нал! Зæрдæйы æууæнк сайдæй кæд ныммынæг, Уæд уыцы зæрдæ ‘нустæм баци ‘хгæд. Цы фæнды ма нæ уырнын кæнай уымæн, Уый ногæй никуы уал баууæнддзæн уæд! Йæ иунæгдзинад нал басæтдзæн никуы, Хæлæрттæ нæ, фæлæ ма царды цин Йæ алывæрсты, хъавгæйæ, æрзилынц, Æмæ тындзынц, ыскъæфынц дард сæхи!