Қайыңды көлі несімен ерекше?

Сұлулығына көз тоймайтын Көлсай шатқалындағы Қайыңды көлі 1910 жылдары болған қатты жер сілкінісінің салдарынан пайда болған. Қайыңды көлі теңіз деңгейінен 1867 метр биіктікте орналасқан. Ұзындығы – 600, ені – 300, ал тереңдігі кей жерлерде – 30, кей жерлерінде 40 метр. Қайыңды көлі аумағында жеміс-жидектің 70-тен астам түрі өседі. Мұнда дәрілік шөптердің 47 түрі кездеседі. Қайыңды көлінің айналасында аң-құстардың 197 түрі, оның ішінде орманда мекендейтін 82 түрі бар. Еліміздің Қызыл кітабына енген сүт коректілердің – 6, құстардың – 13 түрі кездеседі.