«Қалқан-2021» бірлескен жедел-тактикалық оқу-жаттығуы

Маңғыстау облысында Қарулы Күштердің, Ұлттық қауіпсіздік органдарының, Шекара қызметі бөлімшелерінің және Ұлттық ұланның қатысуымен «Қалқан-2021» бірлескен жедел-тактикалық оқу-жаттығуы өтті. Қорғаныс министрі генерал-лейтенант Нұрлан Ермекбаев, Ұлттық қауіпсіздік комитеті Шекара қызметінің директоры генерал-лейтенант Дархан Ділманов, Ұлттық ұланның бас қолбасшысы генерал-лейтенант Руслан Жақсылықов аталмыш оқу-жаттығудың әдіс-тәсілдерін бақылады. Негізгі іс-қимылдар оқу-жаттығу жоспарына сәйкес, шекара маңындағы ауданда басталды. Алғаш рет әскерлердің біріккен тобы құрылып, оның құрамына арнайы операциялар күштері кірді. Мемлекеттік шекараны күшейту жөніндегі шекарашылар мен Қарулы Күштердің бірлескен іс-шаралары тәжірибе кезінде орындалды. Әскерлердің іс-қимылы кезінде заманауи қарулы қақтығыстардың тәжірибесі кеңінен қолданылды. Жаңа тактикалық іс-қимылдар мен тәсілдер пысықталды. Арнайы операциялар күштерінің бөлімшелері әуеден және теңізге десант түсіріп, барлау жүргізді, сондай-ақ Каспий жағалауындағы п