Խաչքար-հուշարձանի բացման հանդիսավոր արարողություն Ասկերանի շրջանի Այգեստան գյուղում

Եվս մեկ խաչքար-հուշարձան համալրեց արցախյան ազատամարտում նահատակված հայորդիների սուրբ հիշատակը հավերժացնող կառույցների շարքը: Այսօր Ասկերանի շրջանի Այգեստան գյուղում կայացավ հուշակոթողի բացման հանդիսավոր արարողությունը, որին մասնակցում էին հոգևորականներ, Արցախի օրենսդիր և գործադիր իշխանության ներկայացուցիչներ, ՊԲ-ի սպայական կազմն ու հյուրեր հարևան համայնքներից, մայրաքաղաքից: Այգեստանի հուշահամալիրում Արցախյան գոյամարտում նահատակված հայորդիների հիշատակին կանգնեցված խաչքար-հուշարձանի մտահղացումը համագյուղացի ռուսաստանաբնակ բարերար Արմո Առստամյանինն էր: