СОВЕТ ҒӘСКӘРҘӘРЕН АФҒАНСТАНДАН СЫҒАРЫУҒА БӨГӨН - 35 ЙЫЛ

15 февраль - совет ғәскәрҙәрен Афғанстандан сығарыуға 35 йыл. Тап ошо көндө илебеҙ яугир-интернационалистарҙы иҫкә ала. Афған һуғышында Башҡортостандан туғыҙ мең хәрби ҡатнаша. Уларҙың 343-е Афған тауҙарында ятып ҡала, күптәр тән яралары ала, алтыһы хәбәрһеҙ юғала. Был һуғышта Ишембай районынан да яҡташтарыбыҙ ҡатнаша. Йыл һайын ошо уңайҙан ҡала һәм районда төрлө саралар үткәрелә, һәләк булғандар иҫкә алына.