СҚО-да мемлекет меншігіне 23 мың гектардан аса жер қайтарылды

Ел Президенті Қасым-Жомарт Тоқаев мақсаты бойынша пайдаланылмай, бос жатқан жерлерді мемлекет меншігіне қайтаруды тапсырған болатын. Жүктелген міндет өңірімізде тиісті деңгейде орындалып жатыр. Биыл облыстық жер инспекциясы басқармасының мамандары 100-ден астам тексеріс жүргізіпті. Нәтижесінде 51 бұзушылық анықталып, 2 ауыл шаруашылығы алқабын тәркілеп алу жөнінде шешім қабылдаған. Алдағы уақытта бұл учаскелер басқа кәсіпкерлерге беріледі.