Алакөл АРУ мекенім! Назкен ЖАНСЕРІКҚЫЗЫ

Кіндік қаны тамған жеріне кез келген азаматтың жаны ашып, бүйрегі бұрары хақ. Әсіресе, қазақтың иісі аңқыған ауыл-аймақтың тынысы мен тіршілігі тіптен бөлек. Туған жер бағдарламасы қолға алынғаннан бері дархан даладағы сіз бен бізге мәлім де, беймәлім талай киелі орындарға үлкен мән берілді. Расында, алдымен ауыл көркейсе, бүтіндей елдің көкжиегі кеңейеді. Туған жердің күні де, түні де ыстық дейді емес пе қазақ. Осындай жаныңа жақын мекеннің әр тасына дейін қастерлеу елім деп соққан жүрегі бар кез келген азаматқа парыз екені ұмытылмаса игі. Алакөл тамсанамын келбетіңе, Өзіңдей жер бар ма екен жер бетінде? Қабанбай бабамыздың рухы болып Толқының толқып жатыр тербетіле Алакөл сен деп өтемін, Алыстап қайда кетемін Қасқалдақ болып қалықтап Айналып ұшып жетемін, Алакөл ару мекенім Сенімен жарқын ертеңім Кіндігім саған байланған Өзіңмен егіз екенмін Алакөл ару мекенім