Һөйгәнегеҙ бармы һеҙҙең?

Һөйгәнегеҙ бармы һеҙҙең Шашып, аҡылдан яҙып, Һәм кешенең исемен дә Йөрәк түренә яҙып? Һөйгәнегеҙ бармы һеҙҙең Бейек күктәргә осоп, Кеше өсөн бар йыһанды, Бөтә донъяны ҡосоп?  Һөйгәнегеҙ бармы һеҙҙең Тәрән диңгеҙҙән йөҙөп, Мөхәббәттең баҡсаһынан Һөйөү сәсәген өҙөп? Һөйөү һүҙен аңлау ауыр, Һәм уны була тойоп, Һөйгәнеңдең донъяһына Хистәр ямғырын ҡойоп. Әгәр инде аңлаһағыҙ  Мәғәнәһен был һүҙҙең, Тимәк аҡылдарҙан яҙып Һөйгәнегеҙ бар һеҙҙең... Артур Ғабдуллин