Бэхеткэ урармын....

Һин - минең ярты яҙмышым, Өлөшкә тейгән көмөш. Күпме ғүмер бар, - беҙ шуны Бергә үтергә тейеш. Мин күнәм бөтәһенә лә: Яҡшыға, яманына, Көндәрҙең салт аяҙына Һәм болотло сағына. Ҡыуанысың булһа, мин дә Бергәләп ҡыуанырмын. Хәсрәттәр төшһә башыңа, Иркәләп йыуатырмын. Зарланмам, тормош ауыр, тип, Башым эйелмәҫ түбән, Йөрәктә минен һөйөу Һүнмәҫ йылдар үтеүөән. Тик икебеҙҙең араға Яуыз елдәр өрмәһен... Һәм ялғанлыҡ - юха йылан Арабыҙға кермәһен. Икәүебеҙгә бер яҙмыш - Тормоштан тейгән өлөш. Күпме ғүмер бар, - беҙ шуны Матур йәшәргә тейеш...