Жымпиты(Сырым ауданы)

Ал, қасиетті де киелі мекен Сырым еліне келсек, Сырым елінің тарихы - қазақ елінің тарихымен астасып жатқан тарих. Себебі, бұл өлке көпті көрген, көзі қарақты, кеудесі күмбір, сөзі дана ақылгөй азаматтарға, білекті батырлар мен әр кезеңде елін, жерін таныта білген, байтақ жерін қорғай алған, өнері мен өнегесі арқылы ұлт мәртебесін асқақтата білген тарландарға бай. Аудан тұрғындары өздерінің кемеңгер Сырым Датұлының, Алаш ардақтысы Жаһанша Досмұхамедовтың, қазақтың ақиық ақыны Қадыр Мырза-Әлінің жерлестері екенін әрқашан мақтан тұтады.