Алһыу Ишемғолова “Көтә әсәй“

Алһыу Ишемғолова Күгәрсен районы Бикес ауылы ҡыҙы, әлеге мәлдә “Йәшлек” гәзитендә эшләй. “Үҙ-үҙемде белә башлағандан бирле шиғриәт, әҙәбиәт, сәнғәт солғанышында йәшәйем, тиһәм дә хата түгелдер. Атайым менән әсәйем сәбәпсе быға. Өйҙәрендә иң ҙур байлыҡ китап булды. Мин бала саҡтан уҡ атайыма эйәреп шиғырҙар ятлап (атайым Зиннур Ишемғолов үҙе лә яҙҙы, күп шағирҙарҙың әҫәрҙәрен сәхнәләрҙән һөйләп йөрөнө, әле лә дауам итә), һирәкләп булһа ла үҙем ижад итеп үҫтем. Әле лә күңелем менән ИЛҺАМ ҡошом “осрашып” торалар. Үҙнәшер менән сығарған “Ысыҡ тамсыһылай күңелем” исемле бәләкәй генә йыйынтығым да бар. “Йәшлек” гәзитендә бүлек мөхәрриремен. Шиғриәткә алыҫыраҡ торған сәйәсәт темаһына бик яратып яҙам”, – ти автор. Көтә әсәй Ҡапҡа төптәренә сығып баҫып, Маңлайыңа ҡуйып усыңды, Көтәһеңдер беҙҙе һәр ял һайын Ҡайтырҙармы, тиеп борсолоп. Күптән инде үҫеп буй еткәнбеҙ, Үҙ оябыҙ ситтә ҡоролған. Беҙҙе уйлап көнгә нисә тапҡыр Һаулыҡ теләп, бәхет юралған?! Ут алырға ғына ингән кеүек Күренеп кенә һиңә китәбеҙ. Һәр беребеҙ