Մարիամ Մաթոսեան - Մայրիկիս

Armenian song “Mayrikis“. Lyriks by Avetik Isahakyan. Performs Mariam Matossian. “Մայրիկիս“ երգը (խոսք Ավ. Իսահակյանի) Մարիամ Մաթոսեանի կատարմամբ: Երգի խոսքերը՝ Հայրենիքես հեռացել եմ, Խեղճ պանդուխտ եմ , տուն չունիմ, Ազիզ մորես բաժանվել եմ, Տըխուր-տըրտում, քուն չունիմ: Սարեն կուգաք, նախշուն հավքե՛ր, Ա՜խ, իմ մորս տեսել չե՞ք. Ծովեն կուգաք, մարմանդ հովե՜ր, Ախըր բարև բերել չե՞ք: Հավք ու հովեր եկան կըշտիս, Անձեն դիպան ու անցան. Պապակ-սրտիս, փափագ-սրտիս Անխոս դիպան ու անցա՜ն: Ա՜խ, քո տեսքին, անուշ լեզվին Կարոտցել եմ, մայրի՛կ ջան. Երնե՜կ, երնե՜կ, երազ լինիմ, Թըռնիմ մոտըդ, մայրի՜կ ջան: Երբ քունըդ գա, լուռ գիշերով Հոգիդ գըրկեմ, համբույր տամ. Սըրտիդ կըպնիմ վառ կարոտով, Լա՛մ ու խընդա՛մ, մայրի՜կ ջան... “Նախշ“ բառը հին հայերենի մեջ մտել է հին պարսկերենից, բայց հետագայում եղել է դրափոխություն: Բառի նախնական ձևը եղել է “նաշխ“: Հիմա երկու ձևն էլ օգտագործվում է: Մարիամ Մաթոսեանը արտաբերում է բառի նախնական, ճիշտ ձևը: