Сыргозтемань Моро (текст) - Олёш

Слова: Маризь Кемаль Минек покштятне умонь шкасто Пачтизь миненек сырнень келенть Сон вирень лисьмакс жойни састо, Эжди, кецявты эрзянь меленть. Кежей пургинеть зяроксть вачкодсть! Зяроксть стякшность куломань коволт! Сынь эрзянь оймес, седейс пачкодсть Ды кадность тозонь чентий тонолт. Мороюткось: Стядо, эрзят, стядо, ялгат, вейс! Масторавась эйсэнек терди. Стядо, эрзят, стядо, ялгат, вейс!. Эрзянь Масторось умок тарди. Лелят-сазорт, патят - ялакскеть Лавтовдо-лавтовс минь стятано, Эсь моронть кис, ды эсь ойменть кис Вейке-вейкенень кедь венстяно! Эрзят! Сыты аштемс пульзядо! Урень уцясканть минь ёртсынек. Сы шкань эрийнень ансяк стядо Эрзянь оймень толонть макссынек Стядо, эрзят, стядо, ялгат, вейс! Масторавась эйсэнек терди. Стядо, эрзят, стядо, ялгат, вейс!. Эрзянь Масторось умок тарди. Мороюткось. Лелят-сазорт, патят ялакскеть Лавтовдо-лавтовс минь стятано, Эйденек кис, сы шканок кис вейс Вейке-вейкенень кедь венсттяно!