Երեխաների մեջ հայրենասիրություն արթնացնելն ինձ ուժ է տալիս․ Ռոզալյա Աբգարյան

Հայրենական մեծ պատերազմի վետերան Ռոզալյա Աբգարյանը Sputnik Արմենիայի եթերում կիսվել է երկարակեցության գաղտնիքներով, խոսել տարիների ընթացքում հայրենիքի և հայրենասիրության ընկալումների փոփոխության մասին և խոստովանել, որ նորից 18 տարեկան դառնալու հնարավորության դեպքում կրկին որոշում կկայացներ կամավոր մեկնել ռազմադաշտ։ Վետերանն ասում է, որ երիտասարդ սերնդին առավելապես հետաքրքրում է Արցախյան պատերազմի պատմությունները, թեև իրենք՝ Հայրենական Մեծ պատերազմի քիչ թվով մնացած մասնակիցները սիրով մասնակցում են դպրոցականների հետ հանդիպումներին, պատմում անցած մարտական ուղու մասին։ Տիկին Ռոզալյան մտահոգիչ է համարում «Եռատոն» գաղափարի կորուստն ու Հայաստանի անվտանգությունը տեսնում խորհրդային պետությունների միասնականության մեջ։ Հաջորդ ամիս իր 100-ամյա հոբելյանը նշել պատրաստվող վետերանը մեկ երազանք ունի՝ երբեք չլինի պատերազմ, և Մայիսի 9-ի առթիվ աշխարհին մաղթում է խաղաղություն։