Գերմանիան Հայաստանը եվրոպական քաղաքակրթության հետ կապող հզոր կամուրջներից է․ Նիկոլ Փաշինյան

Գերմանիան այն հզոր կամուրջներից մեկն է, որը կապում է Հայաստանը Եվրոպական միության, եվրոպական քաղաքակրթության և մշակույթի հետ: Այս մասին փետրվարի 13-ին ասել է ՀՀ վարչապետ Նիկոլ Փաշինյանը՝ Բեռլինում Գերմանիայի կանցլեր Անգելա Մերկելի հետ լրատվամիջոցների համար համատեղ հայտարարության ընթացքում: «Գերմանիան Հայաստանի մտերիմ բարեկամն ու գործընկերն է, և մենք զգում ենք այդ բարեկամության ուժը և՛ զգացական, և՛ գործնական առումներով»,- ասաց Նիկոլ Փաշինյանը՝ հավելելով, որ երկու երկրների բարեկամությունը հիմնված է ընդհանուր արժեքների վրա և երկու երկրների հարաբերությունները գտնվում են բարձր մակարդակի վրա։