“ჩვენ გვახსოვს - REMEMBERANCE - 9 აპრილის ტრაგედიისადმი მიძღვნილი კონცერტი

8 აპრილის საღამოს, 20:00 საათზე, კონსერვატორიის დიდ დარბაზში გაიმართა 9 აპრილის ტრაგედიისადმი მიძღვნილი ღონისძიება “ჩვენ გვახსოვს“. საღამოს მიზანი იყო ჩვენი ქვეყნის გმირების გახსენება და პატივის მიგება. ✔️ჩვენ გვახსოვს ჩვენი წარსული და მივიწევთ უკეთესი მომავლისკენ! პროგრამა: ჯ. ვერდის, ვ. ა. მოცარტის, გ. ფორეს ფრაგმენტები რექვიემებიდან და ქართული მუსიკა - გ. ყანჩელი, “ჰერიო ბიჭებო“ - საორკესტრო ვერსია - ირაკლი არეშიძე. საგალობელი “შენ ხარ ვენახი“, თამარ გვერდწითელი “თეთრი გედი - დატირება“ - საორკესტრო ვერსია - ირაკლი არეშიძე. კონცერტში მონაწილეობენ: თბილისის სახელმწიფო კონსერვატორიის სტუდენტებით დაკომპლექტებული ორკესტრი, დირიჟორი - ლევან ჯაგაევი. ვოკალი - ვალერი რობანიშვილი, მარიამ უსანეთაშვილი, ნინა ყიფშიძე. ფოლკლორული ანსამბლი - “ახალი ბანას გუნდი“ , ღონისძების სამხატვრო ხელმძღვანელი: სესილია სანებლიძე. ღონისძიების მხარდამჭერები : თბილისის სახელმწიფო კონსერვატორიის სტუდენტური გაერთიანება, სამხატვრო აკადემიის თვითმმართველობა და მეგობრები. ასევე დარბაზის ფოიეში გაიმართა თბილისის სამხატვრო აკადემიის სტუდენტთა ნამუშევრების გამოფენა. ნახატი პოსტერზე - მარიამ დოლიძე.