«Մովսես Գորգիսյանի Ելույթներից 1»

Մովսես Գորգիսեան - Movses Gorgisyan - Мовсес Горгисян ՀԱՅԱՍՏԱՆԻ ԱԶԳԱՅԻՆ ՀԵՐՈՍ Հայաստանի Հանրապետության Ազգային Հերոս Մովսես Գորգիսյանը ծնվել է 1961թ. դեկտեմբերի 3-ին, Երևանում:1979թ. փետրվարի 18-ին Ծիծեռնակաբերդի անմար կրակի մոտ որդեգրվեց Հայաստանի պետականության վերականգնման, հայրենիքի անկախացման ազգային ազատագրական պայքարին ու դարձավ ընդհատակյա Ազգային Միացյալ Կուսակցության (ԱՄԿ) երդվյալ անդամ:1980թ. ընդունվել է Խ. Աբովյանի անվան մանկավարժական ինստիտուտի մշակույթի ֆակուլտետի ռեժիսուրայի բաժինը: Բնածին տաղանդը և արվեստագետի իր կոչումը նրան խոստումնալից ապագա էին կանխորոշում: 1982թ. ամուսնացավ իր համակուրսեցի Ռուզաննայի հետ, ով դարձավ նրա հավատարիմ ընկերն ու գաղափարակիցը: Ու ծնվեց նրանց դուստրը` Գոհարը: 1984թ. Համո Բեկնազարյանի անվան “Հայֆիլմ“ կինոստուդիայում նկարահանված “Ոսկին և հողը“ գեղարվեստական ֆիլմում խաղաց Սանթուրի դերը (կինոռեժիսոր Արման Մանարյան) :1986-87թթ. Գորիսի դրամատիկական թատրոնում խաղաց մի շարք ներկայացումներում, բեմադրեց Արամ-Աշոտ Պապայանի ՙԳնա մեռի, արի սիրեմ՚ պիեսը: 1987թ. ԱՄԿ 5 նվիրյալների հետ հիմնեցին Ազգային Ինքնորոշում Միավորումը (ԱԻՄ), որն անցավ բացահայտ քաղաքական պայքարի` հանուն անկախության, հանուն Հայաստանի պետականության վերականգնման: 1988-90թթ. խմբագրել և հրատարակել է “Հրապարակայնություն“, այնուհետև` “Հայրենիք“ քաղաքական ամսագրերը, հայ ազատամարտին նվիրված մի շարք գրքույկներ: Ի պաշտպանություն ձերբակալված Ղարաբաղ կոմիտեի և արտաքսված Պարույր Հայրիկյանի, Գո&