ЭТНО МУЗЫКА ФОРУМЫ МОСАФИР

Милли һәм этно-музыка һөйөүселәре иғтибарына! 10-12 ноябрҙә баш ҡалабыҙ Өфө глобаль этно-музыка үҙәге исеменә дәғүә итәсәк. Тәүге тапҡыр республикабыҙҙа “МОСАФИР“ этно-музыкаль форумы уҙғарыласаҡ. Америка ҡушма штаттары, Европа, Азия, Африка илдәренән 20 музыка белгесе Конгресс-холл бинаһында ике көн буйы лекция үткәрәсәк. Форумдың төп өлөшө - Шоукейс. Башҡортостандың һәм башҡа өлкәләрҙең этно- төркөмдәре халыҡ-ара жюри алдында 20 минутлыҡ программалары менән сығыш яһаясаҡ. Ҡатнашыусылар араһынан иң сағыуҙары Америка, Великобритания, Тайвань, Африка һәм башҡа илдәрҙең билдәле музыкаль фестивалдәренә саҡырыу аласаҡ. Шоукейста мөһим танышыуҙар, фекер алышыуҙар, хеҙмәттәшлек булдырыласаҡ. Форумда ҡатнашыу бушлай, ләкин регистрация үтеү талап ителә. Регистрацияны сайтында үтә алаһығыҙ. Һорауҙарҙы социаль селтәрҙәрҙә йүнәлтә алаһығыҙ - Инстаграмда @, Vkontakte селтәрендә [club186016113|@msfr_ru] “Мосафир“ға рәхим итегеҙ!