Православный календарь Воскресенье 8 декабря 2024 / 25 ноября 2024

Неделя 24-я по Пятидесятнице. Глас седьмый. Рождественский пост. Разрешается рыба Отдание праздника Введения во храм Пресвятой Богородицы. Сщмчч. Климента, папы Римского (101) и Петра, архиеп. Александрийского (311). Прмц. Магдалины Забелиной (1931). Сщмчч. Серафима, архиеп. Смоленского, Григория Воинова, Иоанна Владимирского, Василия Парийского, Космы Коротких, Иоанна Тарасова, Симеона Афонькина, Илариона Соловьева, Ярослава Савицкого, Александра Вершинского, Иоанна Янушева, Виктора Смирнова, Андрея Шершнева, Варлаама Попова пресвитеров и мч. Павла Кузовкова (1937). Мч. Николая Копнинского (1938). Прп. Петра, молчальника (ок. 429). Свт. Климента Охридского. Вмц. Екатерины Александрийской (Греч.). Чтения дня Марка 16:1-8 (на утрене. Евангелие 2-e) Ефесянам 2:14-22 Луки 13:10-17 Евреям 9:1-7 (Богородице) Луки 10:38-42; 11:27-28 (Богородице) Филиппийцам 3:20-4:3 (священномученику) Матфея 5:14-19 (священномученику) Тропари Тропарь воскресный, глас 7. Разруши́л еси́ Кресто́м Твои́м сме́рть,/ отве́рзл еси́ разбо́йнику рай,/ мироно́сицам плач преложи́л еси́,/ и апо́столом пропове́дати повеле́л еси́,/ я́ко воскре́сл еси́, Христе́ Бо́же,/ да́руяй ми́рови/ ве́лию ми́лость. Богородичен, глас тойже. Я́ко на́шего воскресе́ния сокро́вище,/ на Тя наде́ющияся, Всепе́тая,/ от ро́ва и глубины́ прегреше́ний возведи́;/ Ты бо пови́нныя греху́ спасла́ еси́,/ ро́ждшая Спасе́ние на́ше;/ Я́же пре́жде рождества́ Де́ва, и в рождестве́ Де́ва,/ и по рождестве́ паки пребыва́еши Де́ва. Кондак, глас тойже. Не ктому́ держа́ва сме́ртная/ возмо́жет держа́ти челове́ки:/ Христо́с бо сни́де, сокруша́я и разоря́я си́лы ея́;/ связуе́м быва́ет ад,/ проро́цы согла́сно ра́дуются,/ предста́, глаго́люще, Спас су́щим в ве́ре:/ изыди́те, ве́рнии, в воскре́сение. Введение во храм Пресвятой Богородицы. Тропарь, глас 4. Днесь благоволе́ния Бо́жия предображе́ние,/ и челове́ков спасе́ния пропове́дание,/ в хра́ме Бо́жии я́сно Де́ва явля́ется,/ и Христа́ всем предвозвеща́ет./ Той и мы велегла́сно возопии́м:/ ра́дуйся смотре́ния Зижди́телева исполне́ние. Кондак, глас 4. Пречи́стый Храм Спа́сов,/ многоце́нный Черто́г и Де́ва,/ свяще́нное сокро́вище сла́вы Бо́жия,/ днесь вво́дится в дом Госпо́день, благода́ть совводя́щи,/ Я́же в Ду́се Боже́ственном,/ Ю́же воспева́ют Áнгели Бо́жии:/ Сия́ есть селе́ние Небе́сное. Тропарь Климента и Петра общий, глас 4. Бо́же оте́ц на́ших,/ творя́й при́сно с на́ми по Твое́й кро́тости,/ не отста́ви ми́лость Твою́ от нас,/ но моли́твами их/ в ми́ре упра́ви живо́т наш. Тропарь Климента, глас 4. И́же от Бо́га чудоде́йствы/ пресла́вно удивля́я вселе́нныя концы́ ми́ра,/ свяще́нный страда́льче,/ па́че естества́ мо́рю соста́вы вода́м содева́еши разделе́ние/ в честне́й па́мяти твое́й/ всегда́ притека́ющим усе́рдно в Богозда́нную ти це́рковь/ чуде́сным твои́м моще́м,/ и по всенаро́дном хожде́нии/ мо́ре во еди́но тече́ние чудоде́тельне твори́ши,/ Кли́менте преди́вный,/ моли́ Христа́ Бо́га спасти́ся душа́м на́шим. Тропарь Петра, глас 8. От вы́шняго суда́ Христо́ва предста́тельствова ста́ду,/ на па́житех благожи́зненных упа́сл еси́ всему́дрыми твои́ми догма́ты,/ отгна́в Áрия, я́ко во́лка некро́ткаго,/ вше́дшаго в них безбо́жными уче́нии./ Те́мже и ду́шу твою́ положи́л еси́ за них,/ па́стырь наре́клся еси́, я́ко рече́ Госпо́дь,/ иера́рше Пе́тре блаже́нне,/ моли́ Христа́ Бо́га грехо́в оставле́ние дарова́ти/ чту́щим любо́вию святу́ю па́мять твою́. Кондак Климента и Петра общий, глас 4. Це́ркве недви́жимии и Боже́ственнии пи́ргове,/ благоче́стия Боже́ственнии столпи́ вои́стинну кре́пцыи,/ Кли́менте с Петро́м всехва́льнии,/ ва́шими моли́твами соблюди́те вся. Кондак Климента, глас 2. Боже́ственнаго виногра́да священнооде́янна/ всем лоза́ яви́ся,/ ка́плющи сла́дость прему́дрости,/ моли́твами твои́ми, всече́стне,/ да тебе́ истка́ну, я́ко багряни́цу,/ песнь мы́сленную принесе́м,/ Кли́менте свя́те,/ спаси́ рабы́ твоя́. Кондак Петра, глас 3. Правосла́вными повеле́нии Це́рковь просвети́л еси́,/ за ню́же и пострада́в, Богоблаже́нне о́тче,/ Áрия отсту́пника отгна́в,/ те́мже твою́ пречестну́ю па́мять соверша́юще,/ правосла́вно вопие́м:/ ра́дуйся, Пе́тре, ка́меню ве́ре. Тропарь святителя Климента Охридского, глас 4. Словесы́ наста́вил еси́ язы́ки в ве́ру Христо́ву,/ де́лы же возвы́сил еси́ себе́ к Боже́ственней жи́зни,/ святи́телю Кли́менте равноапо́стольне,/ чудесы́ сия́я приступа́ющим к тебе́ ве́рно/ и зна́меньми озаря́я Це́рковь пресла́вно,/ сего́ ра́ди честну́ю твою́ па́мять сла́вим. Ин тропарь святителя, глас тойже. Я́ко труба́ Арха́нгела Бо́жия/ оглаша́еши ро́ди слове́нстии на вся ве́ки/ и к чудеси́ пресла́вному утвержде́ния люде́й твои́х в Правосла́вии/ прилага́еши неиждива́емо чудеса́ ве́лия да́же доны́не./ Те́мже с любо́вию почита́ем присночестну́ю па́мять твою́,/ святи́телю Кли́менте равноапо́стольне, и мо́лим:/ моли́ся о душа́х на́ших. Кондак святителя, глас 3. Храм твой, свя́те, врачевство́ духо́вное/ пресла́вно показу́ется ве́рно приступа́ющим,/ всех бо разли