Ногай Ава (текст) - Нейросеть

Ногай Ава Слова: народные Музыка и исполнение: Нейросеть Ногай ава мери сыре ногайнень: — Азё, кучтан, сыре ногай, урень кис, Азё, кучтан, сыре губан, вардонь кис. Азё, тука, сыре ногай, урине, Азё, тука, сыре губан, вардыне. — Косто саян, ногай ава, тенть уре? Косто туян, губан ава, тенть вардо? — Сисем паксянь, сыре ногай, томбальде, Сисем вирень, сыре губан, товолдо. Камбрастызе сыре ногай лишмензэ, Панцтакшнызе сыре губан ракшанзо. Верек кшнасо сыре ногай таргизе, Кустема пес сыре губан ладизе. — Баславамак, ногай ава, урень кис, Баславамак, губан ава, вардонь кис. Тукшнось сыре ногай сисем паксянь томбалев, Тукшнось сыре губан сисем вирень товолов. Вай, тосо, тосо, сисем паксянь томбале, Вай, тосо, тосо, сисем вирень товоло, Соки, изы эрзянь цёра ськамнензэ, Соки, изы уроз кака ськамнензэ. Икелензэ уроз какань соказо, Удалонзо грешной какань изанзо. - Чангодезэ, эрзянь цёра, да лездазо, Чангодезэ, уроз кака, да лездазо! — Вай, пасиба, сыре ногай, пасиба! Вай, пасиба, сыре губан, пасиба! — Чарькодить, эрзянь цёра, чарькодить, «Пасиба», уроз кака, тон мерить. Аволить мере, уроз кака, «пасиба», Аволить мере, эрзянь цёра, «пасиба». Весть сусковлитинь, эрзянь цёра, нилевлитинь, Весть сусковлитинь, уроз кака, нилевлитинь. Саизе эрзянь цёранть, кундызе, Верек кшнасо кавто кедензэ сюлминзе, Лишмензэ трокс сыре ногай каизе, Кудов-чив сыре ногай ускизе, Кустема пес кулы ногай ладизе. — Листяяка, ногай ава, листяя, Листяяка, губан ава, листяя. Туень уре, ногай ава, тенть туинь, Туень вардо, губан ава, тенть туинь. Кудозонзо ногай ава совавтызе, Лавсь чиринес губан ава озавтызе. — Нурсекая, туень уре, монь какам, Нурсекая, туень вардо, монь эйдем. — Кода кундан, ногай ава, тонь эйдезэть, Кода кундан, губан ава, тонь каказот: Чачинь, касынь, истямо тевсэ араселинь... «Утю-балю, пиря ёнов, ногай эйкакш, люкштядтян, Пиря орма, ногай эйкакш, тонь саензат; Пильге ёнов, ногай эйкакш, тонь люкштядтян, Пильге орма, ногай эйкакш, муензат; Сэрень пелев, ногай эйкакш, люкштядтян, Сэрей, келей, ногай эйкакш, иля ульть Тела ёнов, ногай эйкакш, люкштядтян, Пукшов, телав, ногай кака, иля ульть». — Азё, уштта, туень уре, пси баня, Азё, канта, туень вардо, кельме ведь. — Кода уштан, ногай ава, пси баня, Чачинь, касынь, эзинь уштне пси баня. — Адя ветямак, туень уре, пси баняс, Адя виемак, туень уре, пси баняс. Ветякшнызе туень уре пси баняс, Виекшнызе туень вардо пси баняс. — Саитька монь, туень уре, серьгаень, Юкситька монь, туень вардо, серьгаень. — Кода кундан, ногай ава, серьгаезэть, Кода сайсынь, ногай ава, серьгаеть Монь тиринь тетянь Сергей лемнезэль, Монь корьминецькенть Сергей лемнезэль. — На, юксикая, туень уре, сюлгаем, На, саикая, туень вардо, сюлгаем. — Кода кундан, ногай ава, сюлгаезэть, Кода сайса, ногай ава, сюлгаеть: Монь тиринь авань Сюлгай ульнесь лемнезэ, Монь ванынь авань Сюлгай ульнесь лемнезэ. — Косто саик, сыре ногай, те уренть? Косто туик, сыре губан, те вардонть? Те монь седей пелькскем, дугинем, Те монь седей пелькскем, ялакскем. Косто саик, сыре ногай, тов ускик, Косто туик, сыре губан, тов виик. Илить томба, сыре ногай, кедензэ, Илить томба, сыре губан, пильгензэ. Кем потмонзо пештякшнынзе сиядо, Кавто зепензэ пештякшнынзе сырнеде. Сиятнеде сыре ногай содакшнось, Сырнетнеде сыре губан чарьколесь. Чопода вирьс эрзянь цёранть ускизе, Корён алов эрзянь цёранть лепштизе. Сиятнень кис сыре ногай маштызе, Сырнетнень кис сыре губан чавизе. Кудов-чив сыре ногай пурдакшнось, Кустема пес сыре ногай пачколесь. — Пачтик, эзик, сыре ногай, монь дугам? Пачтик, эзик, кулы губан, ялаксом? — Пачтия, ногай ава, пачтия, Виия, губан ава, виия. — Эзик вийть, сыре ногай, эзик вийть, Эзик пачть, сыре губан, эзик пачть: Содаса, маштык, сыре ногай, ялаксом, Содаса, сэвик, кулы губан, монь дугам. Песня исполняется машиной, могут быть ошибки в произношении Перевод см. в комментарии или по ссылке Песня взята из книги М. Е. Евсевьев Избранные Труды Том 1. Народные Песни Мордвы, 1961, стр. 45