Мхббте ю мер.

Мөхәббәтһеҙ юҡ ғүмер 1. Һөйөп һәм һөйөлөп кенә Булһа ғүмер итеүе. Һиҙелмәй ҙә ҡалыр ине Ғүмерҙәрҙең үтеүе. Тик кәрәкмәй тиҙ үтеүе, Һөйөп – һөйөлгәнеңдә. Ғүмер ҡыҫҡаралыр, бары, Көйөп – көйөлгәнеңдә. Ҡушымта: Һөйөгөҙ һәм һөйөлөгөҙ! Донъя шунан яралған. Яңғыҙ аҡҡан йылғаны ла Ҡосағына яр алған. 2. Һөйөү хыянаттарынан Ташланалар ярҙарҙан. Көнләшмәгеҙ ғашиҡтарҙан, Аҡҡоштарҙай парҙарҙан! Йылға ярһыҙ булмағандай, Булмайҙыр йөрәк йәрһеҙ. Аҡҡан һыуҙай уҙған ғүмер, Ҡайҙарға ағыр ярһыҙ?.. Ҡушымта: шул уҡ. 3. Донъя матур һөйөү менән, Донъя матур йәр менән. Һөйөп – һөйөлгәндә, гүйә, Ғүмер үтә йыр менән. Мөхәббәтһеҙ йәшәп ҡара – Мөхәббәтһеҙ юҡ ғүмер. Мөхәббәтһеҙ үткән тормош – Янмай быҫҡыған күмер. Ҡушымта: шул уҡ.