Амматааҕы Преображенскай таҥара дьиэтэ тутуллубута 200 сыла

Быйыл Амматааҕы Преображенскай таҥара дьиэтэ тутуллубута 200 сылын бэлиэтиир. Бу сырдык үбүлүөй чэрчитинэн бүгүн сарсыарда 8 чаастан Албан аат болуоссатыгар турар чочуобуна дьиэтигэр литургия ыытылынна. Ол кэннэ А. Черемных аатынан оҕо искусствотын оскуолатын кэрэттэн кэрэ дыбарыаһыгар аҕабыыт Павел кыттыылаах үөрүүлээх тэрээһин буолла. Үбүлүөйдээх сыл биир дьикти түгэнинэн сыл-хонук өксүөнүн тулуйан 2-с Чакыр нэһилиэгиттэн Таҥара ийэтин мэтириэтэ көстөн кэлбитэ буолар. Эһиги болҕомтоҕутугар протоиерей Павел Слепцов эҕэрдэтин, итиэннэ үөрүүлээх тэрээһинтэн быһа тардан таһаарабыт. Сиһилии “Амма олоҕо” хаһыакка суруйуохпут. @amma_olo5o @ulusmedia