Прыватны музэй у Полацку - Леніны, Сталіны і бел-чырвона-белы сьцяг

У 2007 годзе ў Полацку адкрыўся першы ў Беларусі музэй савецкай атрыбутыкі — «Эпоха Леніна». На двух паверхах свайго дома Мікалай Панкрат выставіў сотні бюстаў Леніна, савецкія значкі, цацкі і радыёпрыёмнікі — усяго каля 50 тысячаў экспанатаў. Ён не бярэ платы за ўваход і не прадае музэй за 1,5 мільёны даляраў, якія яму прапаноўваюць.