Православная молитва ко Господу, которую читаю за родных и ближних

Господи Иисусе Христе, Единородный Сыне, Сый в недре Отчи Истинный Боже, Источниче жизни и безсмертия, Добрый Пастырю Своих словесных овец, не предаждь нас, грешных рабов Своих (имена), в радость поругания врагом, покаяния праваго пути ищущих. Укрепи ны, Милостиво, сильною Твоею десницею. Без Твоея бо помощи не можем ничтоже о себе творити; спящих нас соблюди, в пути ходящих сохрани, от напасти заступи, от враг спаси, от похотей плотских удали; радости спасения насыти сердца наши, плоть нашу в чистоте соблюди, мысли наши Своим милосердием огради. Ты управи, Господи, и утверди нас, яко истинных Своих угодников, вся дни Тебе работати и хвалитися величеством в Твоей милости, и радоватися нам подаждь. Ты бо еси Бог наш, и мы раби Твои, разве бо Тебе иного Бога не знаем. Яко Милостив еси и Человеколюбец, и Тебе славу возсылаем, со Отцем и Святым Духом, ныне и присно и во веки веков. Аминь.