Молитвы святителю Спиридону Тримифунтскому
Молитва первая
О всеблаженне святителю Спиридоне, великий угодниче Христов и преславный чудотворче! Предстояй на Небеси Престолу Божию с лики Ангел, призри милостивым оком на предстоящия зде люди и просящий сильныя твоея помощи. Умоли благоутробие Человеколюбца Бога, да не осудит нас по беззакониим нашим, но да сотворит с нами по милости Своей! Испроси нам у Христа и Бога нашего мирное и безмятежное житие, здравие душевное и телесное, земли благоплодие и во всем всякое изобилие и благоденствие, и да не во зло обратим благая, даруемая нам от щедраго Бога, но во славу Его и в прославление твоего заступления! Избави всех верою несумненною к Богу приходящих от всяких бед душевных и телесных. от всех томлений и диавольских наветов! Буди печальным утешитель, недугующим врач, в напастех помощник, нагим покровитель, вдовицам заступник, сирым защитник, младенцем питатель, старым укрепитель, странствующим путевождь, плавающим кормчий и исходатайствуй всем крепкия помощи твоея требующим вся, яже ко спасению, полезная! Яко да твоими молитвами наставляеми и соблюдаеми, достигнем в вечный покой и купно с тобою прославим Бога, в Троице Святей славимаго, Отца и Сына и Святаго Духа, ныне и присно и во веки веков. Аминь.
Молитва вторая
О Великий и пречудный святителю Христов и чудотворче Спиридоне, Керкирская похвало, всея вселенныя светильниче пресветлый, теплый к Богу молитвенниче и всем к тебе прибегающим и с верою молящимся скоропредстательный заступниче! Ты веру православную на Никейстем Соборе посреде отцев преславно изъяснил еси, ты единство Святыя Троицы чудесною силою показал еси и еретиков до конца посрамил еси. Услыши нас, грешных, святителю Христов, молящихся тебе, и сильным твоим предстательством у Господа избави нас от всякаго злаго обстояния: от глада, потопа, огня и смертоносныя язвы. Ты бо во временней жизни своей от всех сих бедствий избавлял еси людей твоих: от нашествия агарян и от глада страну твою сохранил еси, царя от неисцельнаго недуга избавил и многия грешники к покаянию привел еси, мертвых преславно воскрешал еси, за святость же жития твоего Ангелы невидимо в церкви поющия и сослужащия тебе имел еси. Сице убо прослави тебе, вернаго Своего раба, Владыка Христос, яко вся тайная человеческая деяния дарова тебе разумети и обличати неправедно живущия. Многим в скудости и недостаточестве живущим ты усердно помогал еси, люди убогия изобильно во время глада напитал еси и ина многа знамения силою в тебе живущаго Духа Божия сотворил еси. Сице и нас не остави, святителю Христов, поминай нас, чад своих, у Престола Вседержителя и умоли Господа, да подаст многих наших грехов прощение, безбедное и мирное житие да дарует нам, кончины же живота непостыдныя и мирныя и блаженства вечнаго в будущем веце сподобит нас, да выну возсылаем славу и благодарение Отцу, и Сыну, и Духу Святому, ныне и присно и во веки веков. Аминь.
Молитва третья
О преблаженне святителю Спиридоне! Умоли благосердие Человеколюбца Бога, да не осудит нас по беззаконием нашим, но да сотворит с нами по милости Своей. Испроси нам, рабам Божиим (имена), у Христа и Бога нашего мирное и безмятежное житие, здравие душевное и телесное. Избави нас от всяких бед душевных и телесных, от всех томлений и диавольских наветов. Поминай нас у престола Вседержителя и умоли Господа, да подаст многих наших грехов прощение, безбедное и мирное житие, да дарует нам, кончины же живота непостыдныя и мирныя и блаженства вечнаго в будущем веце сподобит нас, да непрестанно возсылаем славу и благодарение Отцу и Сыну и Духу Святому, ныне и присно и во веки веков.
Тропарь святителю Спиридону Тримифунтскому, чудотворцу, глас 1
Собо́ра Пе́рваго показа́лся еси́ побо́рник и чудотво́рец,/ Богоно́се Спиридо́не о́тче наш. /Те́мже ме́ртву ты во гро́бе возгласи́в/ и змию́ в зла́то претвори́л еси́,/ и внегда́ пе́ти тебе́ святы́я моли́твы,/ а́нгелы, сослужа́щия тебе́, име́л еси́, свяще́ннейший./ Сла́ва Да́вшему тебе́ кре́пость,/ сла́ва Венча́вшему тя,// сла́ва Де́йствующему тобо́ю всем исцеле́ния.
Кондак святителю Спиридону Тримифунтскому, чудотворцу, глас 2
Любо́вию Христо́вою уязви́вся, свяще́ннейший,/ ум впери́в заре́ю Ду́ха,/ де́тельным виде́нием твои́м дея́ние обре́л еси́, Богоприя́тне,/ же́ртвенник Боже́ственный быв,// прося́ всем Боже́ственнаго сия́ния.
1 view
13
5
3 days ago 00:18:32 1
Святые равноапостольные Кирилл и Мефодий | Житие
3 days ago 00:41:40 1
Книга фактов и пророчеств.
4 days ago 00:02:03 1
ВСЯКОЕ ДЫХАНИЕ ДА ХВАЛИТ ГОСПОДА…! ХРИСТОС ВОСКРЕСЕ!!!
4 days ago 00:23:19 1
28 мая СРОЧНО! ЭТО ТВОЙ ШАНС! Лишь 1% смогут дослушать до конца! Молитва Николаю Чудотворцу
4 days ago 00:00:00 1
28 МАЯ СВЯТОЙ ЧУДОТВОРЕЦ избрал тебя СЕГОДНЯ! СРОЧНО ПРОЧТИ МОЛИТВУ НИКОЛАЮ ЧУДОТВОРЦУ!ВСЕ СБУДЕТСЯ!
4 days ago 01:23:49 1
СВЯТ ГОСПОДЬ | СБОРНИК ПЕСЕН ХВАЛЫ И ПОКЛОНЕНИЯ
4 days ago 00:39:07 1
Акафист Святителю Николаю Чудотворцу О скорой помощи во всяком деле и разрешении различных ситуаций
4 days ago 00:32:47 1
Акафист святым равноапостольным Мефодию и Кириллу, учителем Словенским, молитва
4 days ago 00:23:17 1
Акафист святому преподобному Моисею Уфимскому
4 days ago 00:17:16 1
Акафист святому блаженному Андрею Симбирскому, Христа ради юродивому ;
4 days ago 00:20:39 1
Акафист святым равноапостольным императору Константину и царице Елене ;
4 days ago 00:00:54 1
❗Даже если нас убьют – это будет ВЕЛИЧАЙШАЯ ПОБЕДА • сщмч. Даниил Сысоев
4 days ago 00:36:39 1
ЭТУ МОЛИТВУ ЧИТАЮТ РАЗ В ГОДУ! ВЫБЕРЕТЕСЬ ИЗ ВСЕХ ТРУДНОСТЕЙ! Акафист Святому Духу. Православие
4 days ago 00:34:31 3
АКАФИСТ СВЯТИТЕЛЮ НИКОЛАЮ ЧУДОТВОРЦУ: слушать на русском языке онлайн.
4 days ago 01:02:49 1
Молитва Богородице Дево Радуйся (150 раз ежед )Богородичное правило Оптина Пустынь #мирправославия