СВЯТОЙ ПРЕПОДОБНЫЙ МИХЕЙ РАДОНЕЖСКИЙ.

#Православие, #Христианство, #русскийсвятой, #ПреподобныйМихейРадонежский, #житиясвятых, #житиеПреподобногоМихеяРадонежского, #СвятойпреподобныйМихейРадонежский, #ПреподобныйМихейученикПреподобногоСергияРадонежского Тропарь: И́го Госпо́дне на ра́мо взем, после́довал еси́ Христо́ви со учи́телем свои́м преподо́бным Се́ргием, с ни́мже и сподо́бился еси́ ви́дети Пресвяту́ю Богоро́дицу. И слы́шал еси́ пресла́дкий глас Ея́, я́ко обеща́ся неотсту́пна бы́ти ме́ста сего́, но, о преподо́бне Михе́е, моли́ся о чту́щих святу́ю па́мять твою́. Кондак: Прииди́те, мона́шествующих собо́ри и по́стников ли́цы, соше́дшеся, похва́лим блаже́ннаго Михе́я, спо́стника преподо́бнаго Се́ргия, с ни́мже предстои́т Святе́й Тро́ице и мо́лится спасти́ся душа́м на́шим. Молитва: О преблаже́нне и Богому́дре о́тче Михе́е! Ты и́стиннаго Па́стыря Христа́ за́поведи исполня́я, вся́ко весе́лие, е́же в ми́ре, возненави́дел еси́ и житие́ твое́ в слеза́х препровожда́л еси́, теле́сныя стра́сти до конца́ умерщвля́я и во всем после́дуя житию́ учи́теля твоего́ преподо́бнаго Се́ргия, с ни́мже и сподо́бился еси́ ви́дети Небе́сную Цари́цу, Пресвяту́ю Богоро́дицу, посеща́ющую вас и благода́тне обещава́ющую, я́ко неотсту́пна бу́дет от ме́ста сего́. О такове́й, да́нней тебе́ благода́ти, ве́дуще мы, я́ко и ны́не ку́пно с Богоно́сным а́ввою твои́м во оби́телях све́та обита́еши и Го́споду предстои́ши, смире́нно мо́лим тя, к честне́й ра́це твое́й припа́дающе: не преста́ни вку́пе с ним моля́ся о нас ко Го́споду на́шему Иису́су Христу́ и Пречи́стей Его́ Ма́тери, о е́же сохрани́ти страну́ на́шу в ми́ре и благопребыва́нии, побе́ду на враги́ дарова́ти, всем же нам во благоче́стии и чистоте́ и взаи́мной любви́ ти́хое и безмо́лвное житие́ устро́ити, от гла́да, губи́тельства, огня́, меча́, междоусо́бныя бра́ни и от вся́кия беды́ и ну́жды нас изба́вити, да, спасе́ни душе́ю же и те́лом, единоду́шно сла́вим в Тро́ице сла́вимаго Бо́га, Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.