Святители Варсис и Евлогий Едесские и прочие достохвальные мужи

Святителям Варсису и Евлогию,епископам Едесским,и иже с ними Тропа́рь святы́х, гла́с 4. Бо́же оте́ц на́ших, творя́й при́сно с на́ми по Твое́й кро́тости, не отста́ви ми́лость Твою́ от на́с, но моли́твами и́х в ми́ре упра́ви живо́т на́ш. Конда́к, гла́с 4. Священнонача́льницы велича́йшии благоче́стия и до́блии побо́рницы Це́ркве Христо́вы, вся́ соблюди́те, пою́щия: спаси́, Ще́дре, ве́рою чту́щия Тя́. Кондак, глас 8. Я́ко доброде́телей учи́телие и иера́рхов украше́ние, Це́рковь, пою́щи, вас сла́вит: моли́твами ва́шими пода́йте чту́щим вас любо́вию доброде́телей исправле́ние и собла́знов избавле́ние, я́ко непобеди́мии. Величание Велича́ем вас,/ святи́телие вели́цыи,/ и чтим святу́ю па́мять ва́шу,/ вы бо мо́лите за нас// Христа́ Бо́га на́шего. Молитва О, всесвяти́и отцы́ Варси́се и Евло́гие, те́плии на́ши засту́пницы, ересе́й потреби́тели, благоче́стия защи́тители, неду́жным вра́чеве, в беда́х помо́щницы и все́м притека́ющым к ва́м те́плии предста́тели, помози́те на́м, гре́шным, в се́м житии́, и умоли́те Го́спода Бо́га дарова́ти на́м грехо́в оставле́ние и Ца́рствия Небе́снаго насле́дие, да всегда́ прославля́ем Отца́ и Сы́на и Свята́го Ду́ха, и ва́ше ми́лостивное предста́тельство, ны́не и при́сно и во ве́ки веко́в. Ами́нь.