Бадма-Ханда

Байгаалиин ямар үзэгдэлнүүдэй тохёолдоходо, дуушан түрэдэг бэ? Иимэ жама бии гү – хэн мэдэхэб? Мүнөөдэрэй минии хөөрөөн намтай суг Буряад яһатанай үндэһэн 1 лицей-интернадта һураһан, Буряадай габьяата дуушан Бадма-Ханда Аюшеева тухай. Бүри бага наһанһаа, һургуулиин шаби ябахадаа, Бадма-Ханда Аюшеева хоолойгоо туршадаг бэлэй. Минии хани, наһанайм хани энэл даа – дуу, гэжэ нэгэтэ хэлэһэн. Мүнөө тэрэ гэһэнһээ хойшо олон жэлнүүд һубарилдан үнгэрөөл даа. Мүнөө хадаа Бадма-Ханда дуулимхан дайда дэлхэй дээрэ, далай баян тоонтодоо, дүүрэн хэшэг бэлигтэй, дуугаа дуулан ябадаг нютагаймнай алтан гургалдай гээшэ. Мартын 8-да Ород драмын театрта Бадма-Ханда ехэ концерт нютагынгаа арад зондо бэлэглэбэ. Хаанашье ябахадаа, нютаг нугаяа магтажа, үетэн нүхэдөө, эрдэни байгалаа үргэжэ, дуугаа дуулажал ябадаг гэжэ бултанда мэдээтэй ха ем. Сээжын гүнһөө миралан урдаһан яалга, хоолойнь уянга нугалбари – дабаташагүй гэжэ шагнагшад дахин сэгнэбэ. Жэшээнь, “Эжыдээ”, “Наян Наваа” гэһэн дуунуудыень шагнахадаа, юрын харагша-шагнагшад