Учимся петь: Рождественские стихиры

Стихиры Рождеству Христову, глас 2: Господу Иисусу рождшуся от Святыя Девы, / просветишася всячeская: / пастырeм бо свиряющим и волхвом покланяющимся, / Ангелом воспевающим, Ирод мятяшеся, / яко Бог во плоти явися, // Спас душ наших. Царство Твое, Христе Боже, / Царство всех веков, / и Владычество Твое во всяком роде и роде, / воплотивыйся от Духа Святаго / и от Приснодевы Марии вочеловечивыйся, / свет нам возсия, Христе Боже, Твое пришествие; / Свет от Света, Oтчее сияние, / всю тварь просветил eси, / всякое дыхание хвалит Тя. / Образ славы Oтчия, / Сый, и прежде Сый, // и возсиявый от Девы, Боже, помилуй нас. Что Тебе принесем, Христе, / яко явился eси на земли / яко Человек нас ради? / Каяждо бо от Тебе бывших тварей благодарение Тебе приносит: / Ангели – пение; небеса – звезду; / волсви – дары; пастырие – чудо; / земля – вертеп; пустыня – ясли; / мы же – Матерь Деву. // Иже прежде век, Боже, помилуй нас. Августу единоначальствующу на земли,/ многоначалие человеков преста./ И Тебе, вочеловечшуся от Чистыя,/ многобожие идолов упразднися,/ под единем царством мирским гради быша/ и во едино владычество Божества языцы вероваша./ Написашася людие повелением кесаревым,/ написахомся вернии именем Божества/ Тебе вочеловечшагося Бога нашего.// Велия Твоя милость, Господи, слава Тебе! © Официальный видеоканал портала о благотворительности и социальной деятельности МИЛОСЕРДИЕ: Подпишитесь на наш канал в YouTube: Либо следите за обновлениями в социальных сетях: Facebook: ВКонтакте: