Миләүшә Ғәйфуллина Ҡыҙым китте кейәү йортона, Әсә йөрәге - 2018

4. Миләүшә Ғәйфуллина Ҡырмыҫҡалы районының Малай ауылында тыуып үҫкән. БДУ-ны тамамлағас мәктәптә уҡытыусы булып эшләй. Ике ҡыҙы, ике ейәне, ике ейәнсәре үҫеп килә. Аллаһы Тәғәлә уға бик йомарт була. Матур итеп йырлай, бейей, һүрәт төшөрә. Шиғыр-хикәйәләре матбуғат биттәрендә сағылып бара. «Ни генә тимәһендәр, ғаилә үҙәге – ҡатын-ҡыҙҙа!” – ти ул. * * * Ҡыҙым китте кейәү йортона, Үҙ донъяһы, ғаиләһе усағына. Тыуып үҫкән ғәзиз өйөн ҡалдырып, Ире, ҡайны, ҡәйнәһе ҡосағына. Ҡабул ит, ҡоҙағый, ҡыҙымды- үҙ ҡыҙыңдай, Нуры һүнмәһен, йылыт, ярат- үҙ йондоҙоңдай ! Ҡабул итсе, ҡоҙа, ҡыҙымды- үҙ ҡыҙыңдай, Ишәйер быуын ағасығыҙ- Иҙел һыуындай ! Һаҡла, ярат кейәү, ҡыҙымды, Ҡанаттары уның ҡайырылмаһын ! Тормоштағы төрлө мәлдәрҙән Уй - юлығыҙ һис тә айырылмаһын ! Ә һин, ҡыҙым, Иреңә бул тоғ(о)ро ҡатын, Ҡәйнә-ҡайныңа - уңған килен, Балаларыңа - наҙлы әсәй, Ә миңә йомшаҡ “бесәй” ! Ҡайтып-китеп йөрөмә