Собор Смоленских святых. Тропарь всем святым

Собору Смоленских святых Тропарь, глас 4: Собо́ре святы́х земли́ Смоле́нския,/ вода́ми свяще́ннаго Днепра́ омове́нныя,/ святи́телие, преподо́бнии, страстоте́рпцы и благове́рнии,/ апо́стольскую ве́ру соблю́дшии,/ се ны́не, Святе́й Тро́ице с Богоро́дицею и ли́ки Безпло́тных предстоя́ще,/ вода́ми благоче́стия зе́млю Ру́сскую напая́ете,/ да́рующе правосла́вным по́мощь Небе́сную/ во утвержде́ние ве́ры// и спасе́ние душ на́ших. Кондак, глас 3: Небе́сныя Цари́цы путеводи́тельством,/ подвигополо́жницы земли́ Смоле́нския,/ земны́й путь в Правосла́вней ве́ре проше́дшии/ и святы́х оте́ц преда́ния сохра́ншии,/ моли́те путь ве́ры и нам соблюсти́,/ смире́нию смири́вшагося до сме́рти кре́стныя Сы́на Бо́жия подража́юще,/ моли́твами Богоро́дицы,// и спасти́ся душа́м на́шим. Величание Велича́ем вас,/ святи́и в земли́ Смоленстей возсия́вшии,/ и чтим святу́ю па́мять ва́шу,/ вы бо мо́лите за нас// Христа́ Бо́га на́шего. Молитва: Святи́и сро́дницы на́ши, в земли́ Смоленстей возсия́вшии, вы́ – о́чи Христо́вы Це́ркве правосла́вныя, засту́пницы на́ши, моли́твенницы и помо́щницы! Мо́лим ва́с, вси́ святи́и Смоле́нстии: святи́и му́ченицы и испове́дницы, достопоклоняемии святи́телие со равноапо́столом, благове́рнии кня́зи и преподо́бнии отцы́, не отступа́йте по́мощию ва́шею, любо́вию и попече́нием от гре́шных сро́дник ва́ших, в ва́с наде́жду спасе́ния ве́чнаго обре́тших, засту́пницы в ско́рбех на́ших и помо́щницы покая́ния. Умоли́те Го́спода Си́л, да содержи́м кре́пко ве́ру святу́ю правосла́вную во вся́ дни́ живота́ на́шего и е́ю окормля́еми дости́гнем о́наго ве́чнаго дне́, иде́же вси́ вы́ све́тло сия́ете в незаходи́мем Ца́рстве Святы́я Тро́ицы – Отца́ и Сы́на и Свята́го Ду́ха. Ами́нь. Собор Смоленских святых Авра́мий (Авраа́мий) Смоленский, прп. Андре́й Смоленский, Переяславский, блгв. кн. Анто́ний, епископ Вологодский, Великопермский, свт. Арка́дий Дорогобужский, прп. Арка́дий Новоторжский, Вяземский, прп. Гера́сим Болдинский, прп. Глеб (в Крещении Дави́д), страстотерпец, блгв. кн. Глеб Всеволодович (Святославич) Смоленский, блгв. кн. Дави́д Ярославский, блгв. кн. Ефре́м Новоторжский, прп. Ефре́м Смоленский, прп. Игна́тий, епископ Смоленский, чудотворец, свт. Иулиа́ния Вяземская, Новоторжская, блгв. кн. Константи́н Ярославский, блгв. кн. Макарий (Глухарев), Алтайский, прп. Макарий (Гневушев), Орловский, сщмч. Мерку́рий Смоленский, воин, мч. Мерку́рий Смоленский, Печерский, прп. Михаил, епископ Смоленский, свт. Михаил Феодорович Ярославский, блгв. кн. Николай Японский (Касаткин), равноап. Питири́м, епископ Тамбовский, свт. Про́хор Печерский, Лебедник, прп. Ростисла́в (в Крещении Михаи́л) Мстиславич Киевский, Смоленский, блгв. кн. Серафи́м (Остроумов), Смоленский, сщмч. Симео́н Мстиславич Вяземский, блгв. кн. Симео́н (Молюков), митрополит Смоленский, свт. Си́мон Радонежский, Смоленский, прп. Фео́дор Ростиславич Черный, Смоленский, Ярославский, блгв. кн.