СВЯТИТЕЛЬ АРСЕНИЙ СРЕМЕЦ, АРХИЕПИСКОП СЕРБСКИЙ.

#Православие, #Христианство, #СвятительАрсенийСербский, #житиясвятых, #житиеСвятителяАрсенияСербского, #СвятительАрсенийархиепископСербский, #СвятительАрсенийСремецархиепископСербский, #СвятительАрсенийСремацархиепископСербский, #СвятительАрсенийвторойархиепископСербский, #сербскийсвятой Тропарь: Ми́лости наста́вниче, и благоутро́бия сокро́вище, е́же все́м отве́рзл еси́, правове́рия учи́телю, и архие́реев Боже́ственное удобре́ние, о́тче наш иера́рше Арсе́ние, ни́щих был еси́ засту́пник: тем моли́ Христа́ Бо́га, просвети́ти ду́ши на́ша, да не когда́ усне́м в смерть. Кондак: В пи́щи слове́с твои́х, Богоно́се Арсе́ние, разу́мно ча́да твоя́ пита́я, язы́ком хваля́, устна́ми же пе́ние принося́, веща́нием зовы́й: Христе́, Ты еси́ Свет неизрече́нный. Молитва: О пречестна́я и свяще́нная главо́ и благода́ти Свята́го Ду́ха испо́лненная, Спа́сово со Отце́м обита́лище, вели́кий архиере́е, те́плый наш засту́пниче, святи́телю Арсе́ние, предстоя́ у Престо́ла всех Царя́ и наслажда́яся све́та единосу́щныя Тро́ицы и херуви́мски со а́нгелы возглаша́я песнь трисвяту́ю, вели́кое же и неизсле́дованное дерзнове́ние име́я ко всеми́лостивому Влады́це, моли́ спасти́ся па́ствы Христо́вы лю́дем, благостоя́ние святы́х церкве́й утверди́: архиере́и благоле́пием святи́тельства укра́си, мона́шествующыя к по́двигом до́браго тече́ния укрепи́, ца́рствующий град и вся гра́ды и страны́ до́бре сохрани́, и ве́ру святу́ю непоро́чну соблюсти́ умоли́, мир весь предста́тельством твои́м умири́, от гла́да и па́губы изба́ви ны, и от нападе́ния иноплеме́нных сохрани́, ста́рыя уте́ши, ю́ныя наста́ви, безу́мныя умудри́, вдови́цы поми́луй, си́роты заступи́, младе́нцы возрасти́, пле́нных возврати́, немощству́ющыя и моля́щияся тебе́ от всех напа́стей и бед хода́тайством твои́м свободи́: моли́ о нас Всеще́драго и Человеколюби́ваго Христа́ Бо́га на́шего, да и в день Стра́шнаго Прише́ствия Его́ от шу́ияго стоя́ния изба́вит нас, и ра́дости святы́х прича́стники сотвори́т со все́ми святы́ми во ве́ки веко́в. Ами́нь. Величание: Велича́ем тя, святи́телю о́тче Арсе́ние, и чтим святу́ю па́мять твою́, ты бо мо́лиши о нас Христа́ Бо́га на́шего.