Forrest Gamp (O’zbek tilida)

Forrest Gump 1994-yilda katta ekranlarga chiqqan. Paramount Pictures tomonidan suratga olingan komediya va drama janrlaridagi AQSh filmidir. Film Winston Groomning „Forrest Gump“ asari asosida suratga olingan. Filmga Robert Zemeckis rejissorlik qilgan boʻlib, ushbu kinokartina u tomonidan suratga olgan toʻqqizinchi toʻliq hajmli film sanaladi. Hikoya Forrest Gump hayotidagi bir necha oʻn yilliklarni tasvirlaydi. Asar XX asrdagi Qoʻshma Shtatlardagi bir nechta tarixiy voqeani yoritadi. Toʻgʻriroq qilib aytganda film fonida prezidentlar almashuvi va shunga oʻxshash siyosiy voqealar koʻrsatib oʻtiladi. Film romandan sezilarli darajada farq qiladi. Film eng kassabop filmlardan biri boʻlgan. Amerikada oʻsha yili chiqarilgan eng koʻp daromad olgan filmga aylandi. Premerasi davomida esa dunyo boʻylab 678,2 million AQSh dollaridan koʻproq daromad oldi. „Forrest Gump“ Oscar mukofotining eng yaxshi rasm, eng yaxshi rejissyor, Tom Hanks eng yaxshi aktyor, eng yaxshi moslashtirilgan ssenariy, eng yaxshi vizual effektlar va eng yaxshi filmni tahriri nomenatsiyalari boʻyicha gʻoliblikni qoʻlga kiritgan.