Сказка про репку на башкирском языке в виде стихотворения

Посадил дед репку.Репка выросла большая,прибольшая... Иртә яҙҙан тырышып Бабай ултыртҡан шалҡан. Шалҡаны ла тик ятмаған, Үҫкән дә киткән яман. “Ҡарсыҡ,ярҙам ит әле!”-тип Ҡарт килгән әбейенә. Бабай тотонған шалҡанға, Әбей бабайҙын биленә, Шалкан тартып арығандар, Көс төшкән үҙҙәренә. Әбей юғалып ҡалмай, Ейәнсәрҙән ярҙам һорай. Ҡыҙы килгән ярҙамға, Ҙур шалҡан сығарырға. Бабай тотонған шалҡанға, Әбей бабайҙын биленә, Ҡыҙы шәпләп өләсәһенең Тотонған,ти итәгенә, Шалкан тартып арығандар, Көс төшкән үҙҙәренә. Ҙур шалҡанды сығарыуы Еңел эш түгел икән. Ҡыҙ аптырап тормаған, Аҡбай этен саҡырған. Бабай тотонған шалҡанға, Әбей бабайҙын биленә, Ҡыҙы шәпләп өләсәһенең Тотонған,ти итәгенә. Аҡбай ҙа ҡулайлашып Ейәнсәргә ярҙам иткән. Шалкан тартып арығандар, Көс төшкән үҙҙәренә. Киткән Аҡбай бесәй эҙләп, Бесәй булмаған өйҙә. “Шалҡан шундай ҙур үҫкән Ярҙамлашайык беҙ ҙә!” Бабай тотонған шалҡанға, Әбей бабайҙын биленә, Ҡыҙы шәпләп өләсәһенең Тотонған,ти итәгенә. Аҡбай ҙа ҡулайлашып Ейәнсәргә ярҙам иткән. Бесәй эттең ҡойроғона, Бөрсә кеүек йәбешкән. Шалкан тартып арығандар, Көс төшкән үҙҙәренә. Бесәй киткән яланға, Дуҫ сысҡанын эҙләргә. “Шалҡанды тартып алһаҡ, Мул өлөш сығыр беҙгә”. Бабай тотонған шалҡанға, Әбей бабайҙын биленә. Ҡыҙы шәпләп өләсәһенең Тотонған ,ти итәгенә. Аҡбай ҙа ҡулайлашып Ейәнсәргә ярҙам иткән. Бесәй эттең ҡойроғона, Бөрсә кеүек йәбешкән. Тотоноп алып бесәйгә, Сыҡ-сыҡ килде лә сысҡан, Ҙур,һары шалҡан һурылып, Тәгәрәп китте ерҙән. “Эй,бәләкәс”,- тип сысҡандан Шаярып, көлә күрмәгеҙ. Күмәк көс яу ҡайтарғанын Һеҙ онотоп китмәгеҙ!