71 жыл мурдагы “термоөзөктүк“ жай. Тарыхый видео

1953-жылы 12-августта СССР дүйнөдө биринчи ирет “Слойка“ деп аталган суутек (термоөзөктүк) бомбасын сынаган. “Изделие РДС-6с“ же “Слойка“. Биринчи суутек бомбасын үч жылда жасап чыгышкан. “Слойка“ аталышын жаңы схемаларды колдонгон үчүн беришкен. Термоөзөктүк отунду улам кабаттап, 238-уран менен ороп чыгышкан. Бул “буюмдун“ көлөмү аны учактан таштоого боло тургандай, ал эми Американын “Иви Майк“ суутек бомбасы үйдүн көлөмүндөй эле. Ушул артыкчылык СССРди “термоөзөктүк жарышта“ лидер кылган.