СВЯТОЙ ПРЕПОДОБНЫЙ ВАРСОНОФИЙ ОПТИНСКИЙ.

#Православие, #Христианство, #русскийсвятой, #ПреподобныйВарсонофийОптинский, #святойстарец, #Оптинскиестарцы, #житиясвятых, #житияОптинскихстарцев, #житиеПреподобногоВарсонофияОптинского, #СвятойПреподобныйВарсонофийОптинский Тропарь: Красото́ Це́ркве Ру́сския, утвержде́ние ста́рчества О́птинскаго, и́ноческих заве́тов блюсти́телю, оружено́сче Госпо́день ве́рный, преподо́бне о́тче Варсоно́фие, мече́м моли́твы зми́я победи́вый, вы́шния по́чести о Христе́ дости́гл еси́, те́мже моли́ся Тому́: оте́честву на враги́ побе́ду дарова́ти и спасти́ ду́ши на́ша. Кондак: Боже́ственный ратобо́рец показа́лся еси́, о́тче наш Варсоно́фие, кресто́м низлага́я си́лу вра́жию, и си́лою Богода́нною чудеса́ сотворя́я, те́мже О́птина пу́стынь венча́ся сла́вою твои́х духо́вных побе́д, полково́дче мона́шествующих пресла́вный: и ны́не моли́ся Царю́ Христу́, побе́ды над страстьми́ дарова́ти, ве́рою и любо́вию соверша́ющим па́мять твою́. Молитва: О, преподо́бне и богоно́сне о́тче Варсоно́фие, ста́рче О́птинский, вседе́тельныя любве́ Бо́га Отца́ Безнача́льнаго честно́е зерца́ло! Кре́стныя любве́ Сы́на Бо́жия смире́нный подража́телю, дарода́тельныя любве́ Бо́га Ду́ха Свята́го сосу́де избра́нный! Моли́ у́бо, о́тче, о нас, под кров моли́тв твои́х прибега́ющих, да огне́м любве́ Бо́жия к покая́нию просвети́мся, и дух теплохла́дности, малоду́шия и лицеме́рия от душ на́ших изве́ргше, на де́лание за́поведей Его́ до ве́чера жи́зни на́шея устреми́мся: плоды́ же покая́ния поне́ на ста́рость прине́сше, да вни́дем в ра́дость Го́спода на́шего, иде́же ты в незаходи́мей сия́еши сла́ве, прославля́я Соде́теля и Соверши́теля вся́ческих Бо́га, в Тро́ице покланя́емаго во ве́ки веко́в. Ами́нь.