СВЯТЫЕ ПРЕПОДОБНЫЕ КСЕНОФОНТ, СУПРУГА ЕГО МАРИЯ И ЧАДА ИХ АРКАДИЙ И ИОАНН.
Тропарь:
Бо́же оте́ц на́ших, творя́й при́сно с на́ми по Твое́й кро́тости, не отста́ви ми́лость Твою́ от нас, но моли́твами их в ми́ре упра́ви живо́т наш.
Кондак:
В за́поведех бо́дрствовал еси́ Влады́чних, ни́щим расточи́вый твое́ бога́тство, блаже́нне, ти́хо с сопру́жницею и ча́ды твои́ми, те́мже насле́дуете Боже́ственное наслажде́ние.
Ин кондак:
Жите́йскаго мо́ря избе́гше, Ксенофо́нт пра́ведный с сопру́жницею честно́ю на Небесе́х свеселя́тся с ча́ды, Христа́ велича́юще.
Молитва:
О святи́и Ксенофо́нте и Мари́е со ча́дами ва́шими Арка́дием и Иоа́нном! Се мы недосто́йнии и гре́шнии к вам усе́рдно прибега́ем и с упова́нием кре́пким мо́лимся: ми́лостивно услы́шите ны́не глас наш моле́бный и потщи́теся на по́мощь на́шу, и ны́не любо́вь ва́шу к нам, раба́м Бо́жиим (имена), яви́те благода́тным де́йством богоприя́тных моли́тв ва́ших низпошли́те и нам вели́кую и бога́тую ми́лость Госпо́дню, да воспое́м и просла́вим ди́внаго во святы́х Свои́х Бо́га, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.
1 view
2
0
4 weeks ago 00:28:54 1
Апостол, Евангелие и Святые дня. Преподобного Ио́сифа, игумена Волоцкого, чудотворца. ()
4 weeks ago 00:10:48 1
⚡️ Апти Алаудинов поздравляет всех наших братьев и сестёр с днём рождения Святой Девы Марии (Марьям)
4 weeks ago 00:06:28 1
Как ПОНЯТЬ, что меня КАСАЕТСЯ ДУХ СВЯТОЙ? Прот. Александр ПРОЧЕНКО