Дін үшін өлтіруге бола ма? Және Біртанов пен Бекшин туралы

Каналымызға қолдау көрсету 5169 4971 8361 0090 526 миллион жымқырды деп қамалған Елжан Біртановты қолдау акциясы басталды, ал Алматы санитария дәрігері Жандарбек Бекшин бәріне тиым салынған тойларды, байларға арналған Ритц Карлтонда өткізуге ресми рұқсат берген екен. Одан басқа соңғы уақытта діни негіздегі дау, қақтығыстар көбейді. Францияда мұғалімді Мұхаммед пайғамбарды қорлады деп өлтірген болса, Венада бірнеше аумақта атыс болып, кемінде екі адам қаза болды. Франциядағы жағдайға “исламистер терактісі” деп пікір білдірген президент Макронның басы бәлеге қалып, мұсылман елдері тарапынан сынға ұшырады. Ал UFC чемпионы Хабиб Нурмагомедов Макронға жауап айтты. Өзіміздің мәжілісмен Бекболат Тілеухановтың қарғысындай емес, әрине. Сонымен қатар, Қытайда мұсылмандарды “түзету” лагерлерінің саны көбеюде деген хабар бар. Ал Қазақстанның ресми позициясы әдеттегідей әлі түсініксіз. Бүгінгі шығарылымда ислам діні төңірегінде өршіп тұрған мәселелер туралы сөз қозғайтын боламыз.