СВЯТОЙ ПРЕПОДОБНЫЙ АНАТОЛИЙ ОПТИНСКИЙ, МЛАДШИЙ.

#Православие, #Христианство, #русскийсвятой, #Оптинскиестарцы, #святойстарец, #ПреподобныйАнатолийОптинскийМладший, #ПреподобныйАнатолийОптинскийПотапов, #житиясвятых, #житиеПреподобногоАнатолияОптинскогоМладшего, #житиеПреподобногоАнатолияОптинскогоПотапова Тропaрь: Блаже́н еси́, уте́шителю О́птинский Анато́лие, яви́ бо Дух Святы́й тя прему́дра наста́вника и ве́ры тве́рдаго испове́дника. Сего́ ра́ди зове́м ти: уте́ши ду́ши на́ша смяте́нныя и мрак безбо́жия разори́ твои́ми к Бо́гу моли́твами. Кондак: Крест Госпо́день усе́рдно восприи́м, о́тче богому́дре Анато́лие, Христу́ до сме́рти после́довати возжеле́л еси́, испове́дниче и́стины до́блий и благода́ти сосу́де преди́вный. Ин кондак: Поле́зная души́ твое́й взыску́я, во оде́жду и́ночества обле́клся еси́, кро́тости же и смире́нию Госпо́дню подража́я, Небе́сным жи́телем уподо́бился еси́ и, до́брый наста́вник и́ноком быв, благоче́стия ве́лий побо́рник яви́лся еси́, преподо́бне о́тче наш Анато́лие, моли́ Христа́ Бо́га спасти́ся душа́м на́шим. Молитва: О, пречестна́я главо́ и Уте́шителя богоприя́тное селе́ние, богому́дре о́тче наш Анато́лие. Ты Го́сподеви порабо́тал еси́ со стра́хом и за́поведи Его́ испо́лнил еси́ неле́ностно. Сего́ ра́ди дарова́ньми разли́чными испо́лни твою́ ду́шу Христо́с, наипа́че же излия́ на тя дар Боже́ственного утеше́ния. И́мже мно́гия лю́ди обреме́нныя го́рем, страда́ньми и беда́ми, я́ко оте́ц милосе́рдый уте́шил и ободри́л еси́, и мно́гия ду́ши в годи́ну гоне́ний на Це́рковь Ру́сскую спасл еси́ от искуше́ний и заблужде́ний. Те́мже ве́дуще тя и по сме́рти жи́ва, и мы обурева́емии многоразли́чными беда́ми и скорбя́ми еще́ же и страстя́ми, к тебе́ припа́даем и ми́лостивно про́сим: посети́ ста́до твое́ е́же умно́жи Христо́с твои́ми моли́твами и су́щим в тебе́ дарова́нием утеше́ния, уста́ви бу́рю негодова́ния Бо́жия я́же грехо́в ра́ди на́ших на ны дви́жимую, уте́ши озло́бленныя лю́ди, даждь осла́бу изнемо́гшим от искуше́ний злохи́троснаго зми́я и от непоме́рных собла́знов спаси́ нас погиба́ющих. Наипа́че же моли́ Го́спода Вседержи́теля да изба́вит нас от обольще́ния богоме́рзкаго и зла́го анти́христа близгряду́щаго, и укры́ет нас от се́тей его́ в сокрове́нной пусты́ни своего́ спасе́ния. Да пода́ст нам кре́пость и му́жество тве́рдаго испове́дания и́мене Его́ свята́го, да не отсту́пим стра́ха ра́ди диа́вольскаго и не отрече́мся от Спаси́теля и Искупи́теля на́шего и от святы́я Его́ Це́ркве. Но да пода́ст нам день и нощь плач и сле́зы о гресе́х на́ших е́же поми́ловатися нам на Стра́шнем Суде́ Его́, по твои́м богоуго́дным о́тче моли́твам. Ами́нь.