“Агар модари ягон мансабдор мебуд, гунаҳкорро зиндонӣ мекарданд“

Имрӯз дар бораи фоҷиаи як модари тоҷик суҳбат мекунем, ки марги у мушкилоти зиёдеро дар зиндагии сокинони биноҳои баландошёна дар Душанбе аён кард. Дар як бинои 16 табақа дар Душанбе рӯзи 14-уми сентябр як зани 49-сола дар дохили лифти вайрона афтода, ҳалок шуд. Гузориш дар бораи фалокат баҳси дарозеро дар саҳифаи Радиои Озодӣ дар Инстаграм ва Фейсбук ба вуҷуд овард ва даҳҳо нафар гуфтаанд, ки лифти биноҳои истиқоматии онҳо низ аҳволи хубе надорад.