Ұлттық арна көтерген мәселе шешімін таппақ

Семейдегі Абыралы өңірінің халқы «Qazaqstan» ұлттық арнасына алғыс айтады. Арна тілшілері әбден тозығы жеткен Семей-Қайнар тасжолы туралы бірнеше рет ақпарат жариялаған. Трасса 30 жылдан бері жөнделмеген. Соның кесірінен бұрынғы атом полигонына іргелес бірнеше ауыл бейнет көріп келді. Ескірген жолдан мезі болған халық соңғы жылдары өңірден үдере көше бастаған еді. Енді бұл мәселе шешімін табады. Тасжолды жөндеуге қомақты қаржы бөлінбек.