Христос раждается - славите. Ирмосы 1 канона Рождества Христова. Византийский распев с исоном Поет Византийский хор Аксион Естин

“Христос раждается - славите“. Ирмосы первого канона Рождества Христова на церковно-славянском. Византийский распев с исоном. Поет Византийский хор “Аксион Естин“ (Николо-Малицкий мужской монастырь, г. Тверь). Песнь 1. Христос раждается — славите, / Христос с Небес — срящите. / Христос на земли — возноситеся. / Пойте Господеви, вся земля, / и веселием воспойте, людие, / яко прославися. Песнь 3 Прежде век от Отца рожденному нетленно Сыну / и в последняя от Девы / воплощенному безсеменно, / Христу Богу возопиим: / вознесый рог наш, / свят еси, Господи. Песнь 4 Жезл из корене Иессеева / и цвет от него, Христе, / от Девы прозябл еси, / из горы, Хвальный, приосененныя чащи, / пришел еси, воплощся от Неискусомужныя, / Невещественный и Боже: / слава силе Твоей, Господи. Песнь 5 Бог сый мира, Отец щедрот, / Великаго Совета Твоего Ангела, / мир подавающа, послал еси нам: / тем, Богоразумия к свету наставльшеся, / от нощи утренююще, / славословим Тя, Человеколюбче. Песнь 6 Из утробы Иону младенца изблева морский зверь, / якова прият, / в Деву же всельшееся Слово / и плоть приемшее пройде сохраншее нетленну. / Егоже бо не пострада истления, / Рождшую сохрани неврежденну. Песнь 7 Отроцы, благочестию совоспитани, / злочестиваго веления небрегше, / огненнаго прещения не убояшася, / но, посреде пламени стояще, пояху: / отцев Боже, благословен еси. Песнь 8 Чуда преестественнаго / росодательная изобрази пещь образ: / не бо, яже прият, палит юныя, / яко ниже огнь Божества Девы, / в Нюже вниде утробу. / Тем воспевающе, воспоем: / да благословит тварь вся Господа / и превозносит во вся веки. Песнь 9 Таинство странное вижу и преславное: / Небо — вертеп, Престол Херувимский — Деву, / ясли — вместилище, / в нихже возлеже Невместимый — Христос Бог, / Егоже, воспевающе, величаем.