Шакир Мслим улы мирханов

Өфө ҡалаһында йәшәүсе Флорида Шакир ҡыҙы ла атаһы тураһында хәтирәләр менән бүлешә. Минең атайым – Шакир Мөсәлим улы Әмирханов, Шишмә районы Сәлих ауылында ярлы крәҫтиән ғаиләһендә 1916-сы йылда донъяға килгән. Мәктәпте тамамлағандан һуң техникумда һөнәр ала. Һуңынан Белорет районында уҡытыусы булып эшләй. Ситтән тороп педагогия институтын да тамамлай. 1941-се йылдың көҙөндә эшсе-крәҫтиән армияһына алына һәм уҡыуға ебәрелә. Һуңғараҡ Ленин исемендәге Артиллерия училищаһы курсанты булып китә. 1942-се йылдан алып 1943-сө йылға тиклем Мәскәү хәрби округына ҡараған Ижевск ҡалаһындағы артиллерия училищаһы курсантары командиры була. Офицерҙар составында ла эшләй. Командир адъютанты булып та хеҙмәт итә. Һуғыш тамамланғандан һуң Чехословакиялағы Совет ғәскәрҙәре составында була һәм 1946-сы йылда демобилизациялана. Атайыбыҙ иҫ киткес намыҫлы, ғәҙел, оло йөркле кеше булды. Мин уның менән хаҡлы рәүештә ғорурланам, тип хатын тамамлай, Флорида Шакир ҡыҙы.