ТОРМОШ. Село Ильчигулово Миякинский район

Миәкә районы Илсеғол ауылы тураһында һүҙ сыҡһа-Нарыҫтау итәгенән урғылған шифалы Изге шишмә , күркәм мәсет күҙ алдына килеп баҫа. Тауҙағы Алтын Урҙа дәүере батырҙары Иҙеүкәй менән Мораҙым хәтирәләрен һаҡлаған зыярат, башҡорттарға мең ярым йыл элек ислам дине тәғлимәтен таратҡан сәхәбәләр хөрмәтенә төҙөлгән тажлы ҡорам был ауылдың мәртәбәһен тағы ла арттыра.112-се Башҡорт кавалерия дивизияһын данға күмгән аттарға, һуғыштан йәнтөйәгенә әйләнеп ҡайтҡан Керчь ҡушаматлы яугир айғыры менән дә лайыҡлы ғорурлана боронғо Илсеғол ауылы. Бөгөн “Тормош” проекты бай тарихлы, Башҡортостаныбыҙҙың төрлө өлкәләренә бик күп лайыҡлы шәхестәр тәрбиәләгән Миәкә районы Илсеғол ауылында.