Цгат ирыстоны нтыстджынй кусынц Точки Роста ахурадон центрт

Интерактивон фæйнæгыл лæмбынæг фенын клектæйы сконд, раиртасын электрон тых, сæмбырд кæнын фыццаг робот. Рæзты тæлмытæ æххуыс сты зонындзинæдтæ парахт кæнынæн. Ахуыртæ цымыдисаг ма рауайой, уымæн уæвæн нæй. Мичурины хъæуы физикæйы урочы сывæллæттæ нырыккон ифтонггарзы ’руаджы иртасынц уæлдæфы умæлады ивддзинæдтæ. Центр байгом 2021-æм азы æрдзон-наукон æмæ технологон здæхтмæ гæсгæ. Ис дзы æппæт хъæугæ кусæнгæрзтæ биологи, физикæ æмæ химийæн. Нымæцон микроскоп автоматикон хуызы йæхæдæг раст равæры рухс, микроорганизмтæм та дзы æркæсæн ис алы хуызтæм гæсгæ. Æрыдоны цыппæрæм скъолайы та кусы гуманитарон здæхтмæ гæсгæ “Рæзты тæлм“. Байгом æй кодтой 2020-æм азы. Сывæллæттæ ахуыр кæнынц робототехникæ, программировани, 3-Д моделировани æмæ журналистикæйы сусæгдзинæдтæ. Архайынц æрмæджытæ исыныл, уадзынц скъолайы газет. Зæгъын хъæуы уый, æмæ дзы канд скъоладзаутæ кæй нæ ахуыр кæнынц. Цыколайæ фæсивæд та аразынц маркетплейстæн дизайн сыфтæ. Ис афтæ зæгъæн, æмæ сæхицæн ног дæсныйад байгом кодтой. Уымæй уæлдай, куыд иннæ скъолаты афтæ ам дæр ахуыр кæнынц робототехникæ, программировани, къамисæн студийы кусынц камерæимæ. Æвдæм къласы ахуырдзау Баликъоты Садрин нывкæнынадыс скъолайы фæстæ сахуыр нымæцон планшеты ныв кæнын. Чызг ныридæгæн æвдисы æнтыстджын бæрæггæнæнтæ компьютерон графикæйæ. Æмбулы регионалон æмæ суанг æппæтуæрæсеон ерысты дæр. Алывæрсыг рæзтæн уавæртæ ис кæстæр кары сывæллæттæн дæр. Урокты фæстæ æхсызгонæй баззайынц уæлæмхасæн ахуырты конструктортæ æмбырд кæнынмæ. Архайынц 1-æм къласæй 5-æм къласы онг сабитæ, уыимæ ма сывæллæттæ рæвдауæндæтты хъомылгæнинæгтæ дæр. Национ проект “Ахуырад“-мæ гæсгæ республикæйы байгом кодтой 136 Рæзты тæлмы. Фарон уыдысты 125. Ног технологитæ æнтыстджынæй парахат кæнынц дæрддзæф хъæуты дæр.