книжный клуб Алтай Бичик 4: Нина Унукова “Айачы“ ()

Ӱлÿрген айдыҥ 28-чи кÿнинде экинчи катап онлайн-форматла “Книжный клубтыҥ“ туштажузы öтти. 😊 Туштажуныҥ темазы: Поэтесса, прозаик, режиссер Нина Унукованыҥ “Айачы“ (Аячи - Улыбка бога) деп орус тилле бичилген баштапкы романы керегинде куучын öткÿрилди. Туружаачылар: Туштажу онлайн болгон учун контингент элбек болуп, туку Бишкек, Томск, Междуреченск, Горно-Алтайсктаҥ jиитер турушты. Олор - Алина, Диана, Артем, Татуна, Ай-Тана, Чимге, Костя ла Эрелдей. Бу роман Алтайдагы XXI чактыҥ кычыраачыларында сÿрекей jарлу чÿмдемелдердиҥ тоозына кирип jат. Бастыра 4 муҥ кире экземпляр чыккан, калганчызы 2014 jылда “Айачы“ - 1 муҥ экземплярла. Анайда ок, роман аайынча 2015 jылда кÿÿк айдыҥ 25-27 кÿндеринде Эл драма театрда “Айачы“ деп спектакльдыҥ премьеразы кöдÿриҥилÿ öткöн. Режиссеры Татьяна Синькова. Туштажу кандый болгонын алдында видеоноҥ кöрÿгер.