Ամեն ինչ կարվի արդարության սկզբունքները պահելու շրջանակներում․ Անդրանիկ Քոչարյան

Այսօր մահացու հրազենային վիրավորում ստացած զինծառայող Արթուր Աջամյանի հարազատները բողոքի ակցիա են անցկացրել ԱԺ շենքի դիմաց: ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը Քննչական կոմիտեի և ընտանիքի փաստաբանի հետ հանդիպումից հետո զրուցեց մահացած զինծառայողի հարազատների հետ և նշեց, որ ամեն ինչ կարվի արդարության սկզբունքերը պահելու շրջանակներում և մահվան բոլոր հանգամանքները կբացայտվեն։ Անդրանիկ Քոչարյանի հետ հանդիպումից հետո Արթուր Աջամյանի հարազատները դադարեցնում են բողոքի ակցիան ԱԺ շենքի մոտ՝ միաժամանակ նշելով, որ վստահում են Անդրանիկ Քոչարյանին ու արդար դատաքննությանը։